PlayTail er fyrirtæki sem sér um dagvistun hunda (hundaleiksskóli) og er hannað á mínum eigin vegum.

PlayTail á að vera fyrirtæki staðsett í Póllandi nálægt bænum Rzesow. Við maðurinn minn höfum stundum talað um að flytja á hans heima slóðir og stofna lítið fjölskyldufyrirtæki saman.

Við erum mikið fyrir dýr en það er mikil hundamenning í Póllandi. Staðsetningin væri aðeins út fyrir borgina þar sem við ættum stórt land og gætum því verið með nóg af útisvæðum og hólfum fyrir hundana, gott pláss og mikla möguleikar á að uppfylla þær þarfir sem hver og einn hundur þarf. Hvort sem það er leikur við aðra, eða leikur við starfsmann, naga bein eða að grafa.  Hugsunin á bakvið PlayTail er að hundarnir fái næga útrás og útiveru og samveru með öðrum hundum á meðan eigendur eru frá í vinnu eða að sinna öðru daglegu amstri og þurfa því ekki að hafa áhyggjur af hundinum. 

​

​PlayTail á að endurspeglar fagmennsku og ábyrgð starfsmanna ásamt skemmtun, útrás, útgeislun og gleði.  Þó á fyrirtækið einnig að bjóða upp á ró sem stuðlar að minna stressi og álagi á hundana og að þeir koma afslappaðir og sáttir heim til sín, ekki upptrekktir, yfirspenntir og stressaðir. 

Það er mikilvægt að rétt sé farið að dýrum, að það sé litið á þau sem einstaklinga með mismunandi persónuleika og að þau séu partur af fjölskyldunni. Fólk á erfitt með að treysta öðrum með dýrin sín og því er fagmennska mikilvæg og að sýnt sé mikil alúð í garð þeirra. Slys geta átt sér stað og hundar skaðast andlega og líkamlega ef það er ekki rétt farið að.

Í minni rannsók skoðaði ég mismunandi nöfn á fyrirtækinu en ég endaði á að velja nafnið PlayTail þar sem mér fannst það vera stutt, lýsandi og grípandi og passa vel við þær hugmyndir sem ég var með. Einnig skoðaði ég önnur fyrirtæki í Póllandi sem bjóða upp á svipaða þjónustu og var ég að líta á einkunnir og ummæli sem fólk gaf þeim fyrirtækjum. Ég fór einnig útfyrir Pólland að skoða mismunandi útfærslum á hundaleiksskólum annarsstaðar erlendis.