​Hæ, ég heiti Birgitta Sól Helgadóttir og er fædd og uppalin í Reykjavík, þó er ég mikið náttúrubarn og sveitastelpa í anda. Ég er mikill pælari og hugurinn minn er stöðugt á fleygiferð. Þar með er ég ávalt með fullt af hugmyndum og stundum smá utan við mig. Ég á og hef átt mikið af áhugamálum í gegnum tíðina, sum stærri en önnur enda alltaf með opinn hug og spennt að læra og prufa eitthvað nýtt. 

​

Mín sterkasta hlið þegar að það kemur að því að skapa og hanna er teikning. Út frá teikningu finn ég alltaf flæðið mitt í verkefnum.​

​

Í grunninn er ég klassísk og gamaldags, gömul plaköt og auglýsingar frá tímabilinu 1920-1970 höfða mikið til mín og eiga sér sterka sérstöðu í huga mér.

​

Ég fylgist vel með því sem er að gerast í hönnun og reyni alltaf að vera inn í því sem er að gerast innan lands sem og utan.